काठमाडौं २५ असार - स्याङ्जा जिल्ला भएर बग्ने आँधीखोलामा पानीको सतह बढेर सतर्कता तह पार गरेको छ। जल तथा मौसम विज्ञान विभागले आज बिहान अध्यावधिक गरेको सूचना अनुसार, आधिँखोलाको बोर्लाङ् पुलस्थित जलमापन केन्द्रमा जलसतह बढ्दो क्रममा रहेको छ।
विभागका अनुसार गएरातिदेखि भइरहेको वर्षाका कारण खोलामा पानीको बहाव ह्वात्तै बढेको हो। जलसतहले सतर्कता तह पार गरिसकेको र अझै बढ्ने क्रममा रहेकाले नदी तटीय क्षेत्रमा बाढी तथा कटानको जोखिम बढेको छ।
विभागले एक विशेष सूचना जारी गर्दै नदी तटीय क्षेत्र तथा आसपासमा बसोबास गर्ने स्थानीय बासिन्दा र नदी किनार भएर यात्रा गर्नेहरूलाई उच्च सतर्कता अपनाउन आग्रह गरेको छ।
09 July 2025
